20 лістапада 2008 года ў Нацыянальнай бібліятэцы Беларусі адбылося ўрачыстае адкрыццё канферэнцыі IV Міжнародныя кнігазнаўчыя чытанні “Новыя тэхналогіі ў захаванні дакументальнай спадчыны”.
Канферэнцыю адкрыў дырэктар нацыянальнай бібліятэкі Беларусі Р.С. Матульскі. З прывітальнымі словамі выступілі Міністр культуры Рэспублікі БеларусьУ.Ф. Мацвейчук, старшыня Нацыянальнай камісіі па справах ЮНЕСКА У.Р. Шчасны, Саветнік бюро ЮНЕСКА ў Маскве М.Лукашунас, дырэктар Інстытута імя Гётэ ў Мінску Катрын Освальд-Рыхтэр.
У ходзе першага дня IV Міжнародных кнігазнаўчых чытанняў прайшлі пленарнае і секцыйныя пасяджэнні: секцыя 1 “Фарміраванне і захаванне дакументальнай спадчыны” і секцыя 2 “Дакументальныя помнікі ў рэальнай і віртуальнай прасторы”. На прэзентацыйнай сесіі была прадстаўлена інфармацыйная прадукцыя такіх сусветна вядомых выдавецтваў, як Emerald Group Publishing (Вялікабрытанія), ЗАТ “КАНЭК” (Расія), а таксама электронныя інфармацыйныя рэсурсы Інстытута імя Гётэ ў Мінску.
Перад пачаткам мерапрыемства адбылася прэс-канферэнцыя.
У рамках канферэнцыі былі арганізаваны экскурсіі па будынку Нацыянальнай бібліятэкі Беларусі для замежных удзельнікаў.