14–15 мая ў Нацыянальнай бібліятэцы Беларусі адбылася XVI Канферэнцыя міністраў адукацыі дзяржаў-удзельніц СНД на тэму “Прафесійна-тэхнічная адукацыя і адукацыя для ўстойлівага развіцця”.
Мэта міжнароднай канферэнцыі – пошук спосабаў умацавання ролі прафесійна-тэхнічнай адукацыі ў задавальненні адукацыйных запатрабаванняў насельніцтва, кадравых патрэб эканомікі і сацыяльнай сферы дзяржаў-членаў СНД шляхам абмену вопытам і распрацоўкі рэкамендацый па падтрымцы і развіцці адукацыі на міжнародным і рэгіянальных узроўнях.
У канферэнцыі прынялі ўдзел прадстаўнікі міністэрстваў адукацыі Рэспублікі Беларусь, Латвіі, Эстоніі, Польшчы, Міждзяржаўнага статыстычнага камітэта СНД, Інстытута статыстыкі ЮНЕСКА, Міжнароднага бюро асветы ЮНЕСКА, Міжнароднай арганізацыі працы і Сусветнага банка.
Былі абмеркаваны галоўныя пытанні канферэнцыі: прапановы па інвентарызацыі дагаворна-прававой базы супрацоўніцтва ў галіне адукацыі, план узаемадзеяння па пашырэнні прымянення дыстанцыйных адукацыйных тэхналогій, падрыхтоўка, перападрыхтоўка і павышэнне кваліфікацыі выкладчыкаў ВНУ, праект пагаднення аб павышэнні кваліфікацыі выкладчыкаў агульнаадукацыйных устаноў краін Садружнасці.
 |
 |
