ГалоўнаяНавіныНавіны Нацыянальнай бібліятэкі Беларусі
Адвакатуры Рэспублікі Беларусь – 100 гадоў
Лекцыя-канцэрт “Палітра фарбаў рамантызму”

ХV Рэспубліканская спартакіяда работнікаў культуры

ХV Рэспубліканская спартакіяда работнікаў культуры
Іншыя Навіны

27–29 мая спартыўная каманда Нацыянальнай бібліятэкі Беларусі ўзяла ўдзел у ХV Рэспубліканскай спартакіядзе работнікаў культуры.

У гэтыя вясновыя дні Рэспубліканскі цэнтр алімпійскай падрыхтоўкі “Стайкі” Мінскага раёна сабраў 32 каманды (больш за 400 чалавек) падведамасных арганізацый Міністэрства культуры, а таксама балельшчыкаў і аматараў актыўнага адпачынку.

Зборная каманда Нацыянальнай бібліятэкі ўзяла ўдзел у спаборніцтвах па наступных відах спорту: міні-футбол, лёгкаатлетычны крос, настольны тэніс, гіравы спорт, валейбол і дартс.

Па выніках спаборніцтваў вядучы інжынер інфармацыйна-вылічальнага аддзела Валерый Антонаў заняў II месца сярод мужчын па настольным тэнісе.

Наш калектыў паказаў годны вынік і заняў IV агульнакаманднае месца.

Віншуем каманду Нацыянальнай бібліятэкі Беларусі і жадаем ёй далейшых спартыўных перамог!

Рэспубліканская спартакіяда праводзіцца ў мэтах шырокай прапаганды і далейшага развіцця фізічнай культуры і спорту ў працоўных калектывах арганізацый Міністэрства культуры Рэспублікі Беларусь. Асноўныя задачы – далучэнне работнікаў галіны да здаровага ладу жыцця і фізкультурна-аздараўленчых і спартыўна-масавых мерапрыемстваў, наладжванне сяброўскіх сувязей паміж калектывамі.

Арганізатарамі спартакіяды з’яўляюцца: Міністэрства спорту і турызму Рэспублікі Беларусь, Міністэрства культуры Рэспублікі Беларусь, Беларускі прафесійны саюз работнікаў культуры, інфармацыі, спорту і турызму, Рэспубліканскі вучэбна-метадычны цэнтр фізічнага выхавання насельніцтва, Белспортзабеспячэнне.

Матэрыял пададзены аддзелам сувязей з грамадскасцю.

Навіны

Вынікі XXXII Рэспубліканскага конкурсу “Бібліятэка – асяродак нацыянальнай культуры”

31 Май 2024

23 мая 2024 года загадам Міністэрства культуры Рэспублікі Беларусь № 100 зацверджаны вынікі XXXII Рэспубліканскага конкурсу “Бібліятэка – асяродак нацыянальнай культуры”.

Навіны Нацыянальнай бібліятэкі Беларусі

“Разумнейшыя за ўсіх на свеце!”: прапануем праграму дзіцячага МЕГАсвята

1 Чэр 2024

1 чэрвеня з 12.00 да 15.00 Нацыянальная бібліятэка Беларусі запрашае дзяцей і іх бацькоў на дзіцячае МЕГАсвята “Разумнейшы за ўсіх на свеце!”, прымеркаванае да Дня абароны дзяцей.

Навіны Нацыянальнай бібліятэкі Беларусі

Шчасце бачыць

1 Чэр 2024

Фотавыстаўка “Шчасце бачыць” арганізавана сумесна з Беларускім дзіцячым фондам і прымеркавана да Міжнароднага дня аховы дзяцей.

Мастацкія выстаўкі

Бібліятэкарам