З 12 па 14 мая 2009 года ў Нацыянальнай бібліятэцы Беларусі прайшоў міжнародны семінар па бяспецы дарожнага руху.
Семінар адбыўся ў рамках праекта “Павышэнне бяспекі дарожнага руху: вызначэнне рэгіянальных і нацыянальных шляхоў скарачэння колькасці дарожна-транспартных здарэнняў”, які рэалізуецца пяццю рэгіянальнымі камісіямі ААН.
Яго асноўнымі мэтамі з’яўляліся абмен вопытам і практычнымі напрацоўкамі ў галіне дарожна-транспартнай бяспекі; выпрацоўка мер па павышэнні бяспекі дарожнага руху, скарачэнні колькасці ДТЗ, у тым ліку з лятальным канцом; вызначэнне нацыянальных і рэгіянальных прыярытэтаў ў названай сферы.
У семінары прынялі ўдзел прадстаўнікі нашай краіны і краін блізкага і далёкага замежжа: Рэспублікі Арменія, Азербайджанскай Рэспублікі, Грэчаскай Рэспублікі, Каралеўства Іспаніі, Рэспублікі Малдова, Рэспублікі Польшча, Туркменістана, Расійскай Федэрацыі і Рэспублікі Таджыкістан.
Для абмеркавання на семінары былі вынесены наступныя тэмы: “Аб асноўных напрамках павышэння эфектыўнасці дзяржаўнага кантролю ў галіне дарожнага руху і забеспячэння яго бяспекі”; “Міжнародная праграма па паляпшэнні дарожнай бяспекі – дарожныя інспекцыі і інструменты паляпшэння дарожнай бяспекі”; “Глабальнае партнёрства па бяспецы дарожнага руху – укараненне кіраўніцтва; вызначэнне шляхоў скарачэння колькасці ахвяр дарожна-транспартных здарэнняў”.
Семінар стварыў аснову для ўмацавання і развіцця рэгіянальнага супрацоўніцтва ў сферы бяспекі дарожнага руху.
 |
 |
 |
 |
 |
 |
