17 снежня музей кнігі запрасіў дзяцей на музейныя заняткі “Свята Божага Нараджэння ў старадруках”.
Зусім хутка мы будзем адзначаць адно з самых галоўных свят хрысціянскага свету – Раство Хрыстова. На занятках дзеці здзейснілі “падарожжа ў мінулае” і даведаліся біблейскую гісторыю з’яўлення Богадзіця.
Свята Божага Нараджэння знайшло мастацкае адлюстраванне ў гравюрах богаслужбовых кніг. Маленькім кнігазнаўцам прадставілася магчымасць убачыць гравюры ў евангеллях, анфалагіёнах, службоўніках і малітоўніках XVII–XVIII стст.
Вялікае задавальненне юныя сябры кнігі атрымалі ад творчай працы пры стварэнні выявы і святочнай паштоўкі, якія адлюстроўваюць падзею Божага Нараджэння.
Сачыце за анонсамі наступных заняткаў музея кнігі.
Матэрыял пададзены навукова-даследчым аддзелам кнігазнаўства.
