30 красавіка адбылася ўрачыстая цырымонія адкрыцця Рэспубліканскай дошкі гонару.
Указам Прэзідэнта Рэспублікі Беларусь № 174 вызначаны 64 пераможцы з ліку рэгіёнаў і арганізацый, якія ўдастоены занясення на Рэспубліканскую дошку гонару за дасягненне высокіх вынікаў у сферы сацыяльна-эканамічнага развіцця па выніках работы за 2023 год.
Сярод арганізацый культуры пераможцам стала Нацыянальная бібліятэка Беларусі.
Занясенне на Рэспубліканскую дошку гонару – грамадскае прызнанне важкага ўкладу рэгіёнаў і калектываў прадпрыемстваў у сацыяльна-эканамічнае развіццё і рост дабрабыту краіны, што з’яўляецца стымулюючым фактарам для дасягнення яшчэ больш высокіх вынікаў у будучыні.
На мерапрыемстве прысутнічалі кіраўнікі рэспубліканскіх органаў дзяржаўнага кіравання, абласцей і г. Мінска, мясцовых выканаўчых і распарадчых органаў, арганізацый, якія сталі пераможцамі спаборніцтва, прадстаўнікі працоўных калектываў.
Занясенне на Рэспубліканскую дошку гонару – велізарная заслуга ўсяго калектыву Нацыянальнай бібліятэкі Беларусі.
Віншуем з такім высокім дасягненнем і жадаем новых працоўных перамог!
Матэрыял пададзены аддзелам сувязей з грамадскасцю.
