Да Рэгіянальнага зводнага электроннага каталога бібліятэк Мінскай вобласці далучылася бібліятэка вышэйшай навучальнай установы – Мінскай духоўнай акадэміі імя свяціцеля Кірылы Тураўскага Беларускай праваслаўнай царквы.
У бібліятэцы захоўваюцца ўнікальныя фонды багаслоўскіх і гістарычных даследаванняў, творысвятых айцоў, энцыклапедычная, вучэбна-метадычная літаратура, выданні на старажытных і сучасных замежных мовах, мастацкія творы.
Рэгіянальны зводны электронны каталог бібліятэк Мінскай вобласці папоўніўся на 5,5 тыс. запісаў на кнігі. Асаблівую каштоўнасць фонду бібліятэкі складаюць арыгінальныя рукапісныя, старадрукаваныя і факсімільныя выданні пачынаючы з XVI ст.
Запрашаем скарыстацца рэсурсам для пошуку матэрыялаў, якія вас цікавяць!
Матэрыял пададзены аддзелам бібліятэчна-інфармацыйных тэхналогій.