18 верасня 2009 года ў 16.00 у галерэі «Лабірынт» Нацыянальнай бібліятэкі Беларусі адбудзецца прэзентацыя і перадача ў дар кніг, якія выйшлі пры падтрымцы Міждзяржаўнага фонду гуманітарнага супрацоўніцтва дзяржаў-удзельніц СНД (МФГС).
Увазе гасцей будуць прадстаўлены выданні, сярод якіх зборнік паэзіі А.С. Пушкіна «Душе настало пробужденье», выдадзены паралельна на рускай і таджыкскай мовах, зборнік Ч.Т. Айтматава «Когда падают горы» (раман, які стаў апошнім у творчай біяграфіі сусветна вядомага пісьменніка), падарачны альбом народнага мастака Малдовы М. Грэку (1916–1998), DVD-дыск «Наша классика», які ўключае фільмы кінастудый краін СНД, знятыя ў перыяд з 1920-х па 1990-я гг., і інш.
У рамках мерапрыемства прысутныя змогуць азнаёміцца таксама з серыяй выданняў «Классика литератур СНГ», якая ўключае чатыры кнігі, прысвечаныя фальклору і літаратурным помнікам краін СНД: Азербайджана, Малдовы, Узбекістана, Беларусі (прэзентацыйнае выданне «Волшебная свирель»).
Усе прэзентацыйныя выданні будуць перададзены ў дар Нацыянальнай бібліятэцы Беларусі.
Тэлефоны для даведак: 293-28-23, 293-27-67.
Е-mail: pr@nlb.by
