11 лістапада ў бібліятэцы прэзентавалі кнігу “Последний приют солдата”, якая выйшла ў Выдавецкім доме “Звязда”.
У выданні сабраны і абагульнены звесткі пра пахаванні часоў Першай сусветнай вайны на тэрыторыі Беларусі. Яшчэ два гады назад іх налічвалася менш за сто, а сёння ў выніку вялікай пошукавай працы, якую правялі даследчыкі на беларускай зямлі, стала вядома пра 248 пахаванняў. Дзякуючы намаганням спецыялістаў адрадзіліся з нябыту месцы гістарычнай памяці, раней пакінутыя без належнай увагі. Інфармацыю пра кожнае з іх можна знайсці ў выданні “Последний приют солдата”.
Як лічыць намеснік дырэктара па інфармацыйных рэсурсах Нацыянальнай бібліятэкі Беларусі Таццяна Кузьмініч, апошні прытулак салдаты знаходзяць у сацыяльнай памяці грамадства, у абнаўленні гістарычных звестак і іх асэнсаванні. “Вельмі прыемна, што прэзентацыя выдання праходзіць у Нацыянальнай бібліятэцы: яна гарманічна ўпісалася ў шэраг праектаў, ажыццёўленых у бібліятэцы на працягу года”, – адзначыла Таццяна Кузьмініч, нагадаўшы гасцям пра тое, што да 100-годдзя пачатку Першай сусветнай вайны бібліятэкай былі падрыхтаваны культурна-асветніцкі праект "Драма Першай сусветнай" і аднайменная кніжная выстаўка, а таксама культурна-асветніцкі праект "Перазвон стагоддзяў" і віртуальны праект "Беларусь у Першай сусветнай".
У 100-ю гадавіну з пачатку Першай сусветнай вайны выданне “Последний приют солдата” нагадвае ўсім народам пра памылкі мінулага і іх страшныя наступствы, а для нашчадкаў салдат і афіцэраў армій усіх дзяржаў – удзельніц вайны служыць даведнікам па месцах апошняга прытулку іх продкаў.
“Гэта кніга з’яўляецца наказам будучым пакаленням жыць у міры і згодзе”, – сказала намеснік дырэктара Выдавецкага дома “Звязда” Алена Стэльмах. Выданне заклікае да паразумення і прымірэння ў імя будучыні, спрыяючы выхаванню ў моладзі пачуцця патрыятызму і гонару за сваю краіну, якая захоўвае памяць пра гістарычнае мінулае нашага народа.
Кніга выдадзена на рускай і нямецкай мовах.
Чытайце таксама:
- Запущен онлайн-архив, посвященный Первой мировой войне
- В Москве открылась выставка о Первой мировой войне
- Британская библиотека создает уникальный интернет-архив
- Создается народный архив Первой мировой войны
- Документы германских архивов открыли для публики
- Библиотека им. Ельцина готовит ряд уникальных проектов
- Запущен новый интернет-ресурс «Европеана 1914–1918»
- Презентованы книга и фильм о Первой мировой
- Встреча с Михаилом Голденковым
- Аудиовизуальный ресурс о Первой мировой войне
- Первая мировая война: память должна жить
- Редчайшие документы Первой мировой войны станут доступны онлайн
- Создаётся онлайн-архив документов Первой мировой войны