3 лютага а 16-й гадзіне ў галерэі “Ракурс” (2-гі паверх) адбудзецца прэзентацыя шасцітомнага навуковага выдання “Традыцыйная мастацкая культура беларусаў”.
Выданне з’яўляецца грунтоўнай працай, дзе комплексна адлюстравана багацце і разнастайнасць асноўных відаў і жанраў народнай культуры ўсіх шасці гісторыка-этнаграфічных рэгіёнаў Беларусі.
За стварэнне такога фундаментальнага выдання аўтарскі калектыў у складзе Алены Боганевай, Тамары Варфаламеевай (Цэнтр даследаванняў беларускай культуры, мовы і літаратуры Нацыянальнай акадэміі навук Беларусі) і Мікалая Козенкі (Цэнтр дадатковай адукацыі “Ветразь” Кастрычніцкага раёна г. Мінска) стаў лаўрэатам спецыяльнай прэміі Прэзідэнта Рэспублікі Беларусь дзеячам культуры і мастацтва 2014 года.
У межах прэзентацыі госці пазнаёмяцца з кніжнай выстаўкай-праглядам па тэме “Традыцыйная мастацкая культура беларусаў”.
Тэлефоны для даведак: (8 017) 293 27 56, 293 29 80.
Е-mail: pr@nlb.by
