25–26 мая прадстаўнікі Міністэрства культуры, Гомельскага аблвыканкама, кіраўнікі з Нацыянальнай бібліятэкі і навукова-вытворчай фірмы “ИНЕАК”, дырэктары і спецыялісты бібліятэк Гомельскай вобласці прынялі ўдзел у выязным семінары.
Семінар “Сучасны стан і вектары развіцця бібліятэк Гомельскай вобласці” адбыўся на базе Гомельскай абласной ўніверсальнай бібліятэкі імя У.І. Леніна.
 |
 |
 |
Арганізатарамі мерапрыемства выступілі Міністэрства культуры Рэспублікі Беларусь, Нацыянальная бібліятэка Беларусі, Галоўнае ўпраўленне ідэалагічнай работы, культуры і па справах моладзі Гомельскага аблвыканкама, Гомельская абласная ўніверсальная бібліятэка імя У.І. Леніна.
 |
 |
 |
25 мая ўдзельнікі семінара абмеркавалі пытанні дзяржаўнага рэгулявання бібліятэчнай галіны рэспублікі і перспектывы далейшага развіцця бібліятэк Гомельшчыны. Асаблівая ўвага была нададзена праблемам інфарматызацыі і развіцця абслугоўвання ў віртуальным асяроддзі, стварэнні карпаратыўных рэсурсаў і іх рацыянальным выкарыстанні для забеспячэння роўнага доступу да інфармацыі для жыхароў усіх рэгіёнаў Гомельскай вобласці.
 |
 |
 |
Спецыялісты Нацыянальнай бібліятэкі Беларусі азнаёмілі прысутных з магчымасцямі НББ як цэнтра карпаратыўнага ўзаемадзеяння бібліятэк і іншых інфармацыйных устаноў краіны ў галіне стварэння і выкарыстання рэсурсаў.
 |
 |
 |
Наступным пунктам маршруту выязнога семінара стала вёска Елянец Буда-Кашалёўскага раёна Гомельскай вобласці, дзе ўдзельнікі азнаёміліся з вопытам работы бібліёбуса.
 |
 |
 |
У гэты ж дзень адбылося наведванне Званецкай сельскай бібліятэкі ДУК “Рагачоўская цэнтральная раённая бібліятэка”, якая з 2012 года функцыянуе як аб’яднаная публічная і школьная. Бібліятэкар падзялілася з удзельнікамі вопытам сваёй работы, расказала пра праблемы, якія ўзнікаюць.
 |
 |
 |
Кульмінацыяй мерапрыемства стала знаёмства з вопытам работы Рагачоўскай цэнтральнай раённай бібліятэкі імя Уладзіміра Караткевіча. Усе ўдзельнікі адзначылі высокі ўзровень матэрыяльна-тэхнічнай базы, зацікаўленае і адказнае стаўленне супрацоўнікаў і кіруючых органаў да лёсу гэтай установы і, як вынік, велізарную запатрабаванасць бібліятэкі ў мясцовых жыхароў.
 |
 |
 |
 |
 |
 |
