РаботнікіНацыянальнай бібліятэкі ўзялі ўдзел у адкрыцці Дзён культуры Растоўскай вобласці ў Рэспубліцы Беларусь. Урачыстасці прайшлі ў Палацы Рэспублікі.
Калегі наведалі выставу рамёстваў і промыслаў Дона, пазнаёміліся з дзейнасцю вядучых музеяў Растоўскай вобласці: Дзяржаўнага музея М.А. Шолахава, Растоўскага абласнога краязнаўчага музея, Азоўскага, Старачаркаскага, Раздорскага, Таганрогскага музеяў-запаведнікаў і інш. На фотавыставе музея Шолахава, у прыватнасці, былі прадстаўлены адрасаваныя пісьменніку аўтографы Я. Коласа і П. Броўкі.
Падчас культурнай праграмы работнікі бібліятэкі пачулі, як гучыць данскі рылей, пазнаёміліся з лепшымі народнымі майстрамі Растоўскай вобласці, якія прадставілі вырабы дэкаратыўна-прыкладнога мастацтва, розных відаў рамёстваў, распаўсюджаных на Доне: працы са скуры, керамікі, металу, дрэва, данской лазы, лёну і воўны.
Данскія майстры правялі майстар-класы па прадзенні ніткі на калаўроце і верацяне, карункапляценні на каклюшках, вырабе традыцыйных лялек, працы на ганчарным крузе, пляценні казачай нагайкі і вырабаў з данской лазы.
Атмасферу данскога каларыту дапоўніла выступленне фальклорнага ансамбля “Вольніца” і вакальнага ансамбля “Атаман” Растоўскага абласнога дома народнай творчасці.
Мерапрыемствы падарылі калектыву бібліятэкі незабыўныя ўражанні і станоўчыя эмоцыі.
Матэрыял пададзены прафсаюзным камітэтам НББ.
