27 лістапада ў дзіцячым пакоі прайшлі творчыя заняткі “Качачкі”, на якіх дзеці навучыліся рабіць аб’ёмную аплікацыю з дапамогай геаметрычных фігур з каляровай паперы.
Юныя ўдзельнікі паслухалі цудоўныя казкі Г.Х. Андарсэна, Д.Н. Маміна-Сібірака, М.М. Прышвіна і зрабілі да іх прыгожую ілюстрацыю – рознакаляровых дзікіх качачак, якія ляцяць над невялікай сажалкай з чаротам і зялёным лісцем.
Для аб’ёмнага вырабу дзеці выразалі па шаблонах розных памераў і колераў кругі і авалы, склалі іх папалам і прыклеілі палавінкі дэталей на ліст блакітнага кардону. Яркі выраб дапоўнілі белыя аблокі з папяровых авалаў.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
