20 чэрвеня ў дзіцячым пакоі прайшла літаратурная гадзіна “У кнігі няма канікулаў”.
Юныя наведвальнікі пазнаёміліся з галоўнымі героямі дзіцячых кніг Майкла Бонда і Юі Вісландэр, а таксама пісьменніка і мастака Свена Нурдквіста. Яго аўтарскія ілюстрацыі да серыі кніг “Мама Му ў басейне”, “Блінны торт”, “Паляванне на ліс” і інш. асабліва спадабаліся дзецям.
Яркія персанажы цікавых гісторый сваёй дабрынёй, любоўю і гумарам заваявалі сэрцы хлопчыкаў і дзяўчынак.
Дзеці таксама разгадалі няпростыя галаваломкі і прынялі ўдзел у калектыўным маляванні.
Юныя ўдзельнікі мерапрыемства дружна і весела правялі час. Ніхто з дзяцей не застаўся абыякавым да прачытаных казак, якія пакінулі добры след у іх сэрцах.
