8 мая ў Нацыянальнай бібліятэцы адбылася спартыўна-патрыятычная акцыя “Да перамог гатовы!”.
Мерапрыемства прайшло ў рамках святкавання Дня Перамогі і 80-годдзя вызвалення Беларусі ад нямецка-фашысцкіх захопнікаў.
Галоўная мэта акцыі – аддаць даніну памяці ўдзельнікам Вялікай Айчыннай вайны, якія ўнеслі неацэнны ўклад у агульную перамогу, прадэманстраваць сілу духу і неабмежаваныя фізічныя магчымасці нашчадкаў Вялікіх Герояў Беларусі.
Ганаровымі гасцямі і суддзямі сталі шматразовыя чэмпіёны і рэкардсмены Вячаслаў Харанека, Віктар Мацур, Сяргей Мацкевіч.
Беларускія атлеты ўстанавілі 2 сусветныя рэкорды ў гіравым марафоне і 4 рэкорды ў беларускім гіравым жыме.
Яўген Карабейнік выканаў 1 402 паўтарэнні ў практыкаванні штуршок гіры па доўгім цыкле са шматразовай зменай рук. Вага гіры – 16 кг.
Сяргей Хуртай – 1 321 паўтарэнне ў практыкаванні штуршок гіры з грудзей са шматразовай зменай рук. Вага гіры – 20 кг.
Юлія Прачкоўская выканала 34 жымы адначасова дзвюх гір вагой па 20 кг.
Вячаслаў Харанека выканаў 197 жымаў гіры вагой 24 кг за 5 хвілін, што ў 40 разоў перавышае дасягненні іншага беларускага атлета, які ўстанавіў папярэдні рэкорд.
Сяргей Мацур ўстанавіў 2 сусветныя рэкорды: аднаразовы жым гіры 80 кг левай рукой і 7 разоў выціснуў гіру вагой 70 кг.
Віншуем спартсменаў з высокімі вынікамі, жадаем новых перамог і дасягненняў!
Арганізатарамі акцыі выступілі Нацыянальная бібліятэка Беларусі і грамадскае аб’яднанне “Федэрацыя гіравога марафону”.
Матэрыял пададзены аддзелам сувязей з грамадскасцю.