Напярэдадні Раства і Новага года супрацоўнікі аддзела экскурсійна-метадычнай работы заўсёды імкнуцца стварыць святочны настрой экскурсантам бібліятэкі.
Вялікім сюрпрызам для вучняў 1 “Д” класа сярэдняй школы № 30 стала экскурсія, якую для іх правяла Снягурачка. Дзеці загадалі жаданні ля чароўнага фантана, убачылі “чыгунку” для кніг, пазнаёміліся з друкаванымі выданнямі самых неверагодных форм і памераў, прагуляліся па шкляным мастку.
З агляднай пляцоўкі бібліятэкі экскурсанты змаглі палюбавацца святочным горадам, а таксама зрабіць памятныя фатаграфіі на навагодняй фотазоне ў галерэі “Панарама” на 22-м паверсе.
Запрашаем усіх жадаючых на экскурсіі за новымі ўражаннямі і святочным настроем.
Тэлефоны для даведак і запісу: (8 017) 293 29 66, 293 28 53.
Матэрыял пададзены аддзелам экскурсійна-метадычнай работы.
