23 студзеня ў дзіцячым пакоі Нацыянальнай бібліятэкі Беларусі пройдуць творчыя заняткі “У зімовым лесе”.
Дзеці змогуць стварыць незвычайную зімовую кампазіцыю з дапамогай нетрадыцыйных выяўленчых сродкаў – круп, пражы, а таксама навучацца канструяваць зімовыя елачкі з паперы.
Заняткі ўдасканаляць навыкі працы з клеем, замацуюць майстэрства пры рабоце з крупамі, навучаць ствараць выявы з пражы. Разнастайнасць мастацкіх сродкаў дазволіць дзецям паэксперыментаваць, дасць прастор для фантазіі, дапаможа рэалізаваць творчыя здольнасці.
У праграме таксама прадугледжаны рухомыя гульні і прагляд мультфільмаў.
Заняткі праводзяцца бясплатна. Усе мастацкія матэрыялы будуць прадастаўлены.
Запрашаюцца дзеці 4–8 гадоў.
Час правядзення заняткаў: 12.00–13.30.
