16 красавіка ў бібліятэцы ў рамках XI Міжнародных кнігазнаўчых чытанняў “Кніжная культура Беларусі XІ – пачатку XX ст.” адбылося ўрачыстае гашэнне паштовага блока, прысвечанага 525-годдзю з дня нараджэння Францыска Скарыны.
Гашэнне ажыццявілі дырэктар Нацыянальнай бібліятэкі Беларусі Раман Сцяпанавіч Матульскі і першы намеснік генеральнага дырэктара РУП “Белпошта” Алена Анатольеўна Скрыпчык у прысутнасці ўдзельнікаў кнігазнаўчых чытанняў, супрацоўнікаў і чытачоў бібліятэкі.
Беларускія паштовыя маркі маюць ярка выражаную нацыянальную скіраванасць і адлюстроўваюць асноўныя аспекты развіцця нашай дзяржавы. У гэтых мастацкіх мініяцюрах знаходзяць адлюстраванне знакавыя падзеі гісторыі і культуры Беларусі.
Безумоўна, паштовая прадукцыя, прысвечаная 525-годдзю з дня нараджэння Францыска Скарыны, стане добрым падарункам беларускім і замежным філатэлістам і паслужыць папулярызацыі кніжнай культуры Беларусі.
 |
 |
 |
 |
