27 красавіка ў рамках афіцыйнага візіту ў Рэспубліку Беларусь Нацыянальную бібліятэку Беларусі наведала туркменская парламенцкая дэлегацыя на чале са старшынёй меджліса Туркменістана А.Т. Нурбердыевай.
Дэлегацыю вітала намеснік дырэктара па навуковай рабоце і сувязях з грамадскасцю Л.Г. Кірухіна. У ходзе агляднай экскурсіі па Нацыянальнай бібліятэцы госці азнаёміліся з яе работай, архітэктурна-канструкцыйнымі асаблівасцямі будынка, тэхнічным аснашчэннем, інфармацыйнымі рэсурсамі, мастацкім афармленнем інтэр’ераў.
Члены дэлегацыі падняліся на закрытую аглядную пляцоўку бібліятэкі, адкуль ім адкрыўся маляўнічы пейзаж сталіцы і наваколля.
У музеі кнігі ўвазе гасцей была прадстаўлена калекцыя рарытэтных выданняў з фондаў Нацыянальнай бібліятэкі Беларусі. Пасля заканчэння сустрэчы старшыня меджліса Туркменістана А.Т. Нурбердыева пакінула памятны запіс у Кнізе ганаровых гасцей і бакі абмяняліся памятнымі падарункамі.
 |
 |
 |
 |
 |
 |
