19 мая бібліятэку наведала знакамітая кнігазнавец, мастацтвазнавец, мастак, педагог Святлана Прудоўская (Масква).
У літаратурным свеце яна найбольш вядомая як аўтар кніг серыі “Книга своими руками” – “История книги своими руками” (2015), “История книги своими руками. Продолжение” (2015), “История букв своими руками” (2015), “В поисках волшебных книг” (2016). Акрамя таго, Святлана Мікалаеўна – член Асацыяцыі мастацтвазнаўцаў і творчага аб’яднання “Авторская рукописная книга”, распрацоўшчыца эксперыментальнай праграмы па выяўленчым мастацтве ў Расіі, удзельніца міжнародных выставак.
На фестывалі “Горад і кнігі” 19–20 мая ў Мінску яна з вялікім поспехам правяла два майстар-класы па мастацтве кнігі: “Адкуль бяруцца прыгожыя літары” і “Кніга пераўтварэнняў сваімі рукамі”.
У рамках візіту ў Мінск Святлана Прудоўская наведала Нацыянальную бібліятэку і выказала захапленне яе работай па папулярызацыі беларускай кніжнай спадчыны.
|
|
|
|
|
|
|
|
|
|
|
|
