Майстар-класы і творчыя заняткі, літаратурныя і святочныя мерапрыемствы – дзіцячы пакой запрашае хлопчыкаў і дзяўчынак прабавіць час з карысцю і займальна.
На занятках можна навучыцца ствараць сваімі рукамі вырабы з розных матэрыялаў, а таксама гуляць і чытаць, спяваць і танцаваць, глядзець мультфільмы і слухаць музыку, паразмаўляць і пасябраваць.
Так, напярэдадні Новага 2020 года на майстар-класе “Ёлкіны цацкі – шышкі, мішкі і хлапушкі” дзеці стварылі з кардону, фаамірану, сурвэтак і фетру святочныя ялінкі і ўпрыгожылі іх рознакаляровымі шарыкамі.
Разнастаілі творчы працэс вясёлыя музычныя хвілінкі. Добразычлівая і святочная атмасфера выклікала ў дзяцей радасныя эмоцыі, а занятак пакінуў яскравае ўражанне.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял прадастаўлены аддзелам запісу і інфармавання карыстальнікаў.
