23 кастрычніка адбылося адкрыццё асенне-зімовага цыкла бясплатных публічных лекцый “Беларуская музыка ў сусветнай мастацкай прасторы”. Ужо традыцыяй стала адзначаць гэту падзею сустрэчай з музычнай капэлай “Cantus Alba Rutheniae” пад кіраўніцтвам кандыдата мастацтвазнаўства Галіны Паўлаўны Цмыг.
Лекцыя-канцэрт была прысвечана 200-годдзю выбітных дзеячаў беларускай культуры, кампазітараў Станіслава Манюшкі і Фларыяна Міладоўскага.
Артысты выканалі ўрыўкі Вастрабрамскай літаніі № 3 С. Манюшкі, Імшы Ф. Міладоўскага, а таксама творы М. Агінскага і Л. Сімаковіч, прысутныя пачулі гучанне аўтэнтычных беларускіх інструментаў ліры і гусляў. Разыначкай мерапрыемства стала сумеснае выкананне хорам і гледачамі песень С. Манюшкі.
Наступная лекцыя адбудзецца 31 кастрычніка а 15-й гадзіне.
Чакаем вас!
Уваход свабодны (пры наяўнасці чытацкага білета або пропуску сацыякультурнага цэнтра).
Тэлефон для даведак: (8 017) 293 27 52.
Матэрыял прадастаўлены аддзелам абслугоўвання спецыялізаванымі фондамі.
