Жыхар тэхаскага горада Коперас Коўв Джоры Энк быў арыштаваны і трапіў у камеру папярэдняга зняволення за тое, што тры гады не вяртаў кнігу ў бібліятэку.
Арыштаваны быў выпушчаны на волю да пасяджэння суда пад залог у 200 долараў.
Суд горада выдаў ордэр на яго арышт пасля таго, як Энк своечасова не вярнуў узяты ім яшчэ ў 2010 годзе падручнік для падрыхтоўкі да здачы экзаменаў па шэрагу школьных дысцыплін.
У адпаведнасці з законам горада, прынятым чатыры гады таму, у выпадку, калі чалавек на працягу трох месяцаў пасля заканчэння дапушчальнага тэрміну не вяртае кнігу ў бібліятэку, а таксама не адказвае на лісты і тэлефонныя званкі яе супрацоўнікаў, ён можа быць узяты пад арышт.
Паводле звестак тэлеканала, на наступны дзень пасля таго, як Энк выйшаў на свабоду, падручнік, які адсутнічаў на працягу амаль чатырох гадоў, быў вернуты ў бібліятэку.
Крыніца: газета “Звязда”, 02.11.2013.
