Дата правядзення
Час правядзення
Месца правядзення
14 кастрычніка ў Нацыянальнай бібліятэцы Беларусі прайшоў канцэрт “Цудоўны свет любоўю матчынай”, прысвечаны Дню маці і святу Пакрова Прасвятой Багародзіцы.
У канферэнц-зале сабраліся жанчыны – ветэраны Вялікай Айчыннай вайны і працы, шматдзетныя маці, якія працавалі раней ці зараз працуюць на прадпрыемствах і ў арганізацыях Першамайскага раёна сталіцы.
У мерапрыемстве прынялі ўдзел намеснік кіраўніка адміністрацыі Першамайскага раёна г. Мінска Алена Асадчая, настаяцель Усіхсвяцкага прыходу протаіерэй Фёдар Поўны, дырэктар Нацыянальнай бібліятэкі Беларусі Раман Матульскі.
Жанчын парадавалі выступленні выканаўцы песень Максіма Савіна, дуэта “Дольчэ віта”, вакальнага ансамбля “Домисолька” і ансамбля танца “Несцерка”, а таксама заслужанага калектыву Рэспублікі Беларусь Беларускага дзяржаўнага акадэмічнага музычнага тэатра.
Мерапрыемства прайшло ў атмасферы цяпла і ўтульнасці, якую забяспечылі энергічныя вядучыя Кацярына Веразуб і Яўген Лашкоўскі.
Матэрыял прадастаўлены аддзелам сувязей з грамадскасцю.