“Гадзіна музыкі” адкрывае новы сезон

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

“Гадзіна музыкі” – гэта цыкл бясплатных мерапрыемстваў, прызначаных для шырокага круга слухачоў.

Музыказнаўцы Нацыянальнай акадэміі навук пазнаёмяць вас з гісторыяй беларускай музыкі XIX – пачатку XX стагоддзя, адкрыюць малавядомыя факты пра творчасць такіх выбітных кампазітараў, як Станіслаў Манюшка, Фларыян Міладоўскі і Міхал Клеафас Агінскі.

Этнамузыколагі раскажуць пра каляндарна-абрадавых традыцыях беларусаў і падзеляцца ўнікальнымі архіўнымі і экспедыцыйнымі аўдыя- і відэаматэрыяламі.

Сапраўдным святам стануць упадабаныя ўсім лекцыі-канцэрты з удзелам музычнай капэлы “Cantus Alba Rutheniae” пад кіраўніцтвам кандыдата мастацтвазнаўства Галіны Цмыг, якія адкрываюць і закрываюць наш асенне-зімовы цыкл. Усе прысутныя змогуць не толькі атрымаць асалоду ад цудоўнага выступлення артыстаў, але і выканаць некаторыя творы разам з імі.

З намі цікава і пазнавальна!

Уваход свабодны (пры наяўнасці чытацкага білета або пропуску сацыякультурнага цэнтра).

Тэлефон для даведак: (8 017) 293 27 52.

Матэрыял прадастаўлены аддзелам абслугоўвання спецыялізаванымі фондамі.

Чытайце таксама, як прайшлі інтэрактыўныя лекцыі:

• “Яркае завяршэнне цыкла лекцый пра беларускую музыку”
• "Беларуская музыка ў сусветнай мастацкай прасторы"
• “Станіслаў Манюшка і Фларыян Міладоўскі. Прысвячэнне 200-гадоваму юбілею”
• “Музычнае жыццё Беларусі ў XIX – пачатку XX стагоддзя”
• "Міхал Клеафас Агінскі: невядомыя старонкі творчасці"
• “Каляндарныя абрады і песні беларусаў у восеньскi перыяд”
• "Духоўныя спевы ў фальклорных традыцыях беларусаў"
• "Песні каляднага перыяду на беларускім Палессі"
• "Калядны вечар з Музычнай капэлай НАН Беларусі Cantus Alba Rutheniae"