ГалоўнаяМерапрыемствыНа Мінскай МКВК Нацыянальная бібліятэка раскрые таямніцы загадкавага выдання
Майстар харавой мініяцюры
“Мультчытайка” паводле казкі “Лягушка-путешественница”

На Мінскай МКВК Нацыянальная бібліятэка раскрые таямніцы загадкавага выдання

На Мінскай МКВК Нацыянальная бібліятэка раскрые таямніцы загадкавага выдання
Іншыя мерапрыемствы
5 лютага
Дата правядзення
12.40–19.00
Час правядзення
пр. Пераможцаў, 14
Месца правядзення

5 лютага падчас адкрыцця XXVІI Мінскай міжнароднай кніжнай выставы-кірмашу Нацыянальная бібліятэка Беларусі паспрабуе раскрыць таямніцы самага загадкавага выдання XVІ стагоддзя.

Першым мерапрыемствам усёй выставы (адразу пасля яе ўрачыстага адкрыцця) стане прэзентацыя выдавецкіх праектаў Нацыянальнай бібліятэкі, прысвечаных галоўнай кнізе мінулага года – Берасцейскай Бібліі. Адмыслова да выставы галоўная бібліятэка краіны выпусціла новае выданне, якое раскрые многія таямніцы загадкавага рарытэта.

На самой справе, Нацыянальная бібліятэка падрыхтавала адразу чатыры выданні, якія будуць шырока прадстаўлены публіцы!

Першае з іх – гэта ўласна факсімільнае ўзнаўленне самай вялікай, прыгожай і дарагой беларускай кнігі мінулых стагоддзяў – Берасцейскай Бібліі 1563 г. Прэзентацыя факсіміле прайшла не толькі ў розных гарадах Беларусі, але і на сусветных кніжных выставах і кірмашах (напрыклад, у Франкфурце і Маскве). Але ж факсімільнае ўзнаўленне толькі распаліла дадатковы інтарэс да знакамітага кніжнага помніка, аднак не раскрыла многіх яго таямніц. Таму неўзабаве з'явіліся тры новыя выданні.

Адмыслова да выставы апублікавана навуковая манаграфія намесніка генеральнага дырэктара Нацыянальнай бібліятэкі Беларусі – дырэктара па навуковай рабоце і выдавецкай дзейнасці Аляксандра Сушы, якая прыадкрывае шэраг невядомых ці малавядомых старонак гісторыі, здавалася б, знакамітай кнігі. У добра ілюстраванай манаграфіі аўтар не толькі апісвае абставіны стварэння кніжнага помніка, але і робіць спробу асэнсаваць яго значнасць як твора мастацтва, паліграфічнага шэдэўра, рэлігійнай святыні, плёну літаратурнай і навуковай працы нашых продкаў, а таксама важнага артэфакта сучаснасці.

Трошкі раней пабачыў свет камплект рэпрадукцый найбольш яркіх і прадстаўнічых старонак Берасцейскай Бібліі, якія выкананы ў арыгінальным памеры і перадаюць усю прыгажосць і значнасць рарытэта XVІ стагоддзя.

Урэшце, згадаем пра электроннае выданне, прысвечанае Брэсту, яго гісторыі і культурнай спадчыне, у якім у сучаснай форме можна пазнаёміцца і з матэрыяламі пра Берасцейскую Біблію.

Прэзентацыя выдавецкіх праектаў бібліятэкі адбудзецца на цэнтральнай пляцоўцы Нацыянальнага стэнда Беларусі адразу пасля ўрачыстага адкрыцця XXVІI Мінскай міжнароднай кніжнай выставы-кірмашу (Мінск, пр. Пераможцаў, 14). Пачатак у 12.40.

Усе запрашаюцца! Усім будзем рады!

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Пясняр хараства і волі

06.07.2020

З 6 ліпеня па 1 верасня ў зале беларускай літаратуры (пам. 205) праходзіць выстаўка “Пясняр хараства і волі”, прысвечаная 120-годдзю з дня нараджэння беларускага паэта, празаіка, перакладчыка Уладзіміра Мікалаевіча Дубоўкі (1900 ці 1901–1976).

Насельніцтва Зямлі: прагнозы, тэндэнцыі, праблемы

01.07.2020

З 1 ліпеня па 5 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Насельніцтва Зямлі: прагнозы, тэндэнцыі, праблемы”, прысвечаная Сусветнаму дню народанасельніцтва.

Вайна і мір. Беларусь памятае. Вяртанне

25.06.2020

1 ліпеня ў бібліятэцы адбудзецца ўрачыстае адкрыццё выстаўкі “Вайна і мір. Беларусь памятае. Вяртанне”.Праект прымеркаваны да 75-годдзя Вялікай Перамогі.

Выстаўка графікі “Полымя ваенных дзён”

17.06.2020

23 чэрвеня ў бібліятэцы адбылося адкрыццё выстаўкі графікі “Полымя ваенных дзён”, прысвечанай 75-годдзю Перамогі ў Вялікай Айчыннай вайне і прымеркаванай да Дня Незалежнасці.

Яго жыццё – тэатр

10.06.2020

З 1 чэрвеня па 3 жніўня ў зале беларускай літаратуры (пам. 205) праходзіць юбілейная выстаўка “Яго жыццё – тэатр”, прысвечаная 70-годдзю беларускага пісьменніка, заслужанага дзеяча мастацтваў Беларусі Аляксея Ануфрыевіча Дударава.



111