ГалоўнаяМерапрыемствыУзнёслае і пакорлівае
Прыгажосць выратуе свет!
Спяшайцеся рабіць дабро!

Узнёслае і пакорлівае

Узнёслае і пакорлівае
Іншыя мерапрыемствы
2 верасня – 15 кастрычніка
Дата правядзення
10.00–21.00
Час правядзення
пам. 305
Месца правядзення

З 2 верасня па 15 кастрычніка ў зале нотных і аўдыявізуальных дакументаў (пам. 305) праходзіць выстава “Узнёслае і пакорлівае”, прысвечаная 85-годдзю эстонскага кампазітара Арва Пярта.

Арва Пярт – адзін з самых вядомых і часта выконваемых аўтараў сучаснай акадэмічнай музыкі. Духоўная змястоўнасць і глыбіня, аскетычная прастата і ўнутраная літургічнасць творчасці кампазітара робяць яго музыку бяспрыкладнай з’явай сучаснага мастацтва.

На мяжы 1959–60 гг. Арва Пярт звярнуўся да серыйнай тэхнікі: Perpetuum mobile для аркестра, 1-я сімфонія, Credo для хору, фартэпіяна і аркестра і інш. З пачатку 1970-х актыўна займаўся вывучэннем старажытнай музыкі. Знаёмства з грыгарыянскім спевам і сярэдневяковай паліфаніяй вызначыла скіраванасць яго творчай эвалюцыі, і ў сярэдзіне 1970-х кампазітар прыйшоў да новага стылю, заснаванага на найпрасцейшых гукавых элементах: трохгучнасці і руху па тонах дыятанічнага гукарада; Пярт назваў яго tintinnabuli (з лац. – “званочкі”). Першыя ж створаныя ў гэтым стылі творы – Arbos, Fratres, Summa, Tabula rasa, Cantus (“Песня”) памяці Брытэна для званоў і струнных – прынеслі Пярту сусветную вядомасць. Стыль tintinnabuli быў развіты ў шматлікіх партытурах, прасякнутых пакорлівым і ўзнёслым рэлігійным духам. Да ліку самых шырокіх належаць “Страсці па Іаану”, Te Deum для 3-х хораў, фартэпіяна і струнных, Stabat mater для вакальнага і струннага трыа, “Берлінская імша”, “Канон пакаянны”.

На выставе прадстаўлены партытуры 1-й і 2-й сімфоній, араторыя “Поступ свету”, канцэрт для віяланчэлі з аркестрам, калаж на тэму “B-A-C-H”, кантата для дзіцячага хору “Наш сад”, а таксама фонадакументы – хор “Богородице Дево” ў выкананні капэлы хлопчыкаў г. Мінска пад кіраўніцтвам У. Глушакова, камерная (“Cantus in Memory of Benjimin Britten for string and one bell”, “Collage sur B-A-C-H: for strings, oboe, harpsichord and piano”) і сімфанічная (Symphony № 4) музыка.

Дапаўняюць экспазіцыю артыкулы і кнігі пра творчасць юбіляра.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 52.

Матэрыял пададзены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Бібліятэка – дом, дзе жывуць кнігі

23.10.2020

У Нацыянальнай бібліятэцы Беларусі стартуе новы сезон “Клуба кніжных прафесараў”. Запрашаем дзетак і іх бацькоў запісацца на першы курс музейных заняткаў па вывучэнні кніжнай культуры.

Скарыназнаўства ў Францыі

21.10.2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.

Размова з адвакатам аб куплі-продажы нерухомасці

15.10.2020

23 кастрычніка запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Пяшчотная, мілая, добрая

13.10.2020

З 13 кастрычніка па 30 лістапада ў бібліятэцы (2-гі паверх, кальцавы калідор) арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).



111