Па ініцыятыве Міжнароднага камітэта эстэтыкі і касметалогіі CIDESCO штогод 9 верасня ў многіх краінах адзначаецца Сусветны дзень прыгажосці. З 1995 года ў гэты дзень асабліва вітаецца ўсё прыгожае, што дастаўляе эстэтычную і маральную асалоду.

Нават калі прыгажосць не адзіны сродак выратавання свету, то, па меншай меры, яна вельмі спрыяе падтрыманню жыццёвага патэнцыялу. Свае ўяўленні пра яе існуюць у кожнага чалавека, але ў кожным пэўным стагоддзі ёсць агульныя ідэалы і эталоны.

Сусветны дзень прыгажосці адзначаюць усе супрацоўнікі дадзенай індустрыі: цырульнікі і касметолагі, стылісты і візажысты, пластычныя хірургі і масажысты, фітнес-трэнеры. Для спецыялістаў у гэтай галіне прызначаны прадстаўленыя на выстаўцы перыядычныя выданні “Теория моды”, “Fashion collection”, “ICON”, “Индустрия красоты” і інш.

Дзень прыгажосці – гэта свята ўсіх жанчын планеты незалежна ад роду іх дзейнасці. Зараз назіраецца тэндэнцыя звароту да натуральнай прыгажосці, без падгонкі пад пэўныя параметры. Пазнаёміцца з моднымі beauty-трэндамі дапамогуць публікацыі ў часопісах “Счастливая и красивая”, “Алеся”, “Marie Claire”, “Женский журнал” і інш.

Усяго экспазіцыя налічвае каля 40 перыядычных выданняў.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Спіс літаратуры па тэме

Тэлефон для даведак: (8 017) 293 25 87.

Матэрыял пададзены аддзелам абслугоўвання спецыялізаванымі фондамі.