25 лютага ў Мінску адбудзецца рэспубліканскі семінар “Гісторыя Праваслаўя роднага краю: вопыт і методыка вывучэння”.
Арганізатарам выступіў Сінадальны аддзел рэлігійнай адукацыі і катэхізацыі БПЦ, суарганізатарам – Нацыянальная бібліятэка Беларусі.
Для ўдзелу ў семінары запрашаюцца: кіраўнікі і спецыялісты публічных бібліятэк Міністэрства культуры Рэспублікі Беларусь, бібліятэк устаноў адукацыі, царкоўных бібліятэк, бібліятэк іншых міністэрстваў і ведамстваў Рэспублікі Беларусь, прадстаўнікі структур Беларускай праваслаўнай царквы, вучоныя, выкладчыкі ўстаноў сярэдняй агульнай, спецыяльнай і вышэйшай адукацыі, гісторыкі, краязнаўцы, архівісты.
Тэмы для абмеркавання:
- Праваслаўнае краязнаўства: гістарыяграфія, крыніцы, метады даследавання
- Праваслаўнае краязнаўства і новыя інфармацыйныя тэхналогіі: стварэнне электронных рэсурсаў па праваслаўным краязнаўстве
- Праваслаўныя святыні роднага краю (храмы, іконы і інш.): методыка збору звестак
- Крыніцы, пошук, адбор і выкарыстанне архіўных дакументаў
- Вопыт працы бібліятэк, школ, праваслаўных прыходаў па вывучэнні святынь роднага краю
Семінар будзе праходзіць у аддаленым рэжыме. Ідэнтыфікатар канферэнцыі Zoom і код доступу да ўдзелу будуць прадстаўлены дадаткова.
Пачатак семінара ў 11.00.
Заяўку на ўдзел у семінары з дакладам або паведамленнем просім накіроўваць да 20 лютага 2021 г.
- для царкоўных структур па адрасе: tsam_by@mail.ru
- для публічных бібліятэк, бібліятэк устаноў адукацыі і іншых свецкіх структур: rynkoa@mail.ru, тэл.: (8 017) 368 97 71.
З матэрыяламі і праграмай семінара можна будзе азнаёміцца на сайтах: biblioteka-hram.by, oroik.by, nlb.by.
