ГалоўнаяМерапрыемствыILLUSTRATIO. Разнастайнасць тэхнік ілюстравання
У Дзень усіх закаханых запрашаем у бібліятэку на рамантычную фотасесію!
Музейныя заняткі “Бамбукавыя кнігі”

ILLUSTRATIO. Разнастайнасць тэхнік ілюстравання

ILLUSTRATIO. Разнастайнасць тэхнік ілюстравання
Іншыя мерапрыемствы
16 лютага – 31 ліпеня
Дата правядзення
10.00–21.00
Час правядзення
галерэя “Атрыум” (2-гі паверх)
Месца правядзення

16 лютага а 17-й гадзіне ў атрыуме (2-гі паверх) адбылося адкрыццё рэспубліканскай выстаўкі кніжнай графікі Беларусі "ILLUSTRATIO. Разнастайнасць тэхнік ілюстравання".

У экспазіцыі прадстаўлены факсімільныя выданні беларускага першадрукара Францыска Скарыны, "Манга" Кацусіка Хакусая, рэдкія выданні французскай паэзіі, хромалітаграфіі еўрапейскай моды канца ХІХ ст. і інш. На прыкладзе гэтых выбітных кніжных помнікаў можна прасачыць, як мяняўся падыход і тэхнічны складнік у афармленні кнігі.

На выстаўцы – графіка беларускіх мастакоў: афорты, літаграфіі, лінарыт, дрэварыт, акварэлі і аркушы з выявамі, выкананымі ў іншых тэхніках. Таксама дэманструецца кніжная графіка студэнтаў і выпускнікоў Беларускай дзяржаўнай акадэміі мастацтваў.

Уявіць асаблівасці працы мастака падчас працэсу стварэння ілюстрацыі дапамогуць афортны станок, фарбы, шаберы, пэндзлі, штыхелі, разцы, літаграфскі камень і іншыя матэрыялы, а таксама адукацыйныя відэа пра стварэнне ілюстрацый у розных тэхніках.

Спецыяльна для наведвальнікаў праекта беларускія мастакі-графікі Вера Каўзановіч, Марыя Дарожка, Андрэй Басалыга падрыхтавалі відэамайстар-класы.

Акрамя наглядных прыкладаў кніжнай графікі, у экспазіцыю ўвайшлі навуковыя, навукова-папулярныя, вучэбныя выданні, прысвечаныя тэхнікам ілюстравання.


На вернісаж уваход вольны, у астатні час – па чытацкім білеце або білеце сацыякультурнага цэнтра.

Праект будзе доўжыцца да 30 ліпеня 2021 г.
Дата заканчэння працы экспазіцыі можа быць зменена.

Тэлефон для даведак: (8 017) 368 97 37.

Чытайце таксама, як прайшло адкрыццё выстаўкі “ILLUSTRATIO. Разнастайнасць тэхнік ілюстравання".

ФОТОФАКТ: Выставка книжной графики открылась в Национальной библиотеке (БелТА)

Мерапрыемствы

Кніга і аўтарскае права ў сучасным свеце

20.04.2021

З 20 красавіка па 23 мая ў зале дакументаў міжнародных арганізацый (пам. 207g) адкрыта тэматычная выстава “Кніга і аўтарскае права ў сучасным свеце”, прысвечаная Сусветнаму дню кніг і аўтарскага права.

Несуцішны боль Чарнобыля

23.04.2021

З 23 красавіка па 31 мая ў аддзеле абслугоўвання афіцыйнымі дакументамі (пам. 207) адкрыта тэматычная выстава “Несуцішны боль Чарнобыля”, прысвечаная Міжнароднаму дню памяці аб чарнобыльскай катастрофе і 35-годдзю з дня аварыі на Чарнобыльскай атамнай электрастанцыі (ЧАЭС).

Вялікая Айчынная вайна ў творах мастацкай літаратуры

05.05.2021

9 мая наша краіна адзначае знакавае свята – Дзень Перамогі. Да гэтай падзеі прымеркавана выстаўка “Вялікая Айчынная вайна ў творах мастацкай літаратуры”, арганізаваная сумесна з Нацыянальным архівам Рэспублікі Беларусь.

Фотападарожжа па Палессі

14.05.2021

19 мая а 17-й гадзіне ў галерэі “Панарама” (22-гі паверх) адбудзецца адкрыццё фотавыстаўкі “Птушкі Палесся”.

Чырвоная кніга

12.05.2021

13 мая ў музеі кнігі пачне працу выстава “Чырвоная кніга”. Галоўным экспанатам стане арт-кніга маладых беларускіх мастакоў Марыны Жвірбля і Фёдара Шурмялёва.

Размова з адвакатам аб праве на абарону ў адміністратыўным судаводстве

07.05.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.



Бібліятэкарам
111