Дата правядзення
Час правядзення
Месца правядзення
24 красавіка дзіцячы пакой запрашае дзяцей 5–10 гадоў на творчыя заняткі “Птушаня”, на якіх дзеці даведаюцца пра незвычайны накірунак сучаснага мастацтва – трэш-артэ.
Выкарыстоўваючы ўтулку ад папяровага рулона, кардон, фетр, каляровую паперу і гуаш, юныя ўдзельнікі заняткаў зробяць трэш-выраб.
За аснову вырабу яны возьмуць утулку і абгорнуць яе шчыльнай паперай. Дзюбку і вочкі выражуць з каляровай паперы, а з мяккага фетру – чубок і крыльцы. Гняздзечка для маленькага гарэзы дзеці склеяць з палосак паперы і кардону.
У выніку атрымаецца забаўнае птушанятка ў гняздзечку. Разнастайным творчы працэс зробяць музычныя паўзы і пальчыкавая гімнастыка.
Час правядзення мерапрыемства: 14.30–16.00.
Наведванне дзіцячага пакоя бясплатнае.
Папярэдні запіс па тэлефоне (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.