ГалоўнаяМерапрыемствы“…Усё жыве і душу мае”
Запрашаем на творчыя заняткі “Гародніна на градцы”
Абвяшчаем літаратурны конкурс “Беларускі салавей”

“…Усё жыве і душу мае”

“…Усё жыве і душу мае”
Іншыя мерапрыемствы
12–19 жніўня
Дата правядзення
10.00–20.00
Час правядзення
пам. 205
Месца правядзення

13 жніўня аматары беларускага прыгожага слова ўспамінаюць вялікага паэта і празаіка, драматурга і перакладчыка, крытыка і публіцыста, настаўніка літаратурнай моладзі, выдатнага лінгвіста і фалькларыста Якуба Коласа.

У гэты дзень некаторыя ўскладаюць кветкі да магілы песняра, іншыя збіраюцца ў музей, а Нацыянальная бібліятэка прапануе наведаць кніжную выставу-прагляд “…Усё жыве і душу мае», дзе сабраны знакавыя творы песняра. Сярод іх – паэмы “Рыбакова хата”, за якую Якуб Колас атрымаў Дзяржаўную прэмію СССР у 1949 г.; “Новая зямля” і “Сымон-музыка”, з якімі ён увайшоў у сусветную літаратуру як “беларускі Гамер”, стваральнік паэтычнага эпасу беларусаў.

Раім пагартаць “найпрыгажэйшую кнігу свету” 1969 года. Такое прызнанне на Міжнароднай выстаўцы графікі і кніжнага мастацтва атрымала выданне паэмы “Новая зямля”, аздобленае гравюрамі Г. Паплаўскага (г. Лейпцыг, IBA-69).

На выставе таксама можна пабачыць даследаванні Мікалая Мушынскага, Юліяна Пшыркава, Анатоля Трафімчыка, Веры Міцкевіч, прысвечаныя жыццю і творчай спадчыне Якуба Коласа.

Творчасць вялікага песняра аказала значны ўплыў на далейшае развіццё ўсёй беларускай літаратуры. Яго творы чытае маладое пакаленне беларусаў, ладзяцца міжнародныя канферэнцыі, прысвечаныя творчасці народнага паэта.

Выстава размешчана ў зале беларускай літаратуры (пам. 205) і будзе доўжыцца з 12 па 19 жніўня 2021 г.


Час работы выставы адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Матэрыял пададзены аддзелам галерэйна-выставачнай дзейнасці.

Мерапрыемствы

Бунтар, правакатар, геній

20.10.2021

З 20 кастрычніка па 30 лістапада ў зале дакументаў па мастацтве (пам. 306) праходзіць кніжна-ілюстрацыйная выстава “Бунтар, правакатар, геній”, прысвечаная 140-годдзю з дня нараджэння іспанскага мастака Пабла Пікаса (1881–1973).

Першы беларускі

20.10.2021

Да 100-годдзя з часу заснавання Беларускага дзяржаўнага ўніверсітэта на трэцім паверсе кальцавога калідора бібліятэкі арганізавана выстаўка “Першы беларускі”.

Мір, годнасць і роўнасць на здаровай планеце

14.10.2021

З 14 кастрычніка па 30 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстава “Мір, годнасць і роўнасць на здаровай планеце”, прысвечаная Дню Арганізацыі Аб’яднаных Нацый.

Размова з адвакатам аб парадку іпатэчнага крэдытавання пры набыцці (будаўніцтве) жылля

14.10.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Шчаслівы дар

13.10.2021

З 13 кастрычніка па 22 лістапада ў зале беларускай літаратуры (пам. 205) праходзіць юбілейная выстаўка “Шчаслівы дар”, прымеркаваная да 100-годдзя з дня нараджэння беларускага паэта, заслужанага работніка культуры Беларусі Івана Андрэевіча Муравейкі (1921–2021).

Семінар аб рэалізацыі палажэнняў Маракешскага дагавора

12.10.2021

22 кастрычніка ў межах VIII Міжнароднага кангрэса “Бібліятэка як феномен культуры” адбудзецца семінар “Рэалізацыя Рэспублікай Беларусь палажэнняў Маракешскага дагавора аб палягчэнні доступу сляпых і асоб з парушэннямі зроку ці іншымі абмежаванымі здольнасцямі ўспрымаць друкаваную інфармацыю да апублікаваных твораў”.

Пяшчотная, мілая, добрая

11.10.2021

З 11 кастрычніка ў кальцавым калідоры 2-га паверха арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).



Бібліятэкарам