Дата правядзення
Час правядзення
Месца правядзення
27 снежня дружны калектыў бібліятэкі сабраўся на незвычайную рабочую планёрку... святочную!
Навагоднюю нараду пачаў намеснік генеральнага дырэктара Аляксандр Суша. Ён цёпла павіншаваў калег і адзначыў, што ў наступным годзе Нацыянальнай бібліятэцы Беларусі спаўняецца цэлае стагоддзе, а значыць 2022 год для супрацоўнікаў абавязкова будзе яркім і насычаным.
Парадаваць калектыў і нагадаць пра чараўніцтва і цуд прыйшоў сам Дзед Мароз са сваёй унучкай Снягуркай. Тымбілдынг атрымаўся насычаным: казачныя персанажы разам з супрацоўнікамі гулялі, разгадвалі загадкі, спявалі навагоднія песні.
Радасны настрой падтрымала прафесійнае цыганскае шоу “Алюр”. У цёплай атмасферы прагучалі вакальныя хіты калектыву і музычныя кампазіцыі з барабанамі, гітарай і бубнамі. Салісты “Алюра” Наталля Гарбачова і Сяргей Радзівонаў зарадзілі работнікаў бібліятэкі святочнай энергетыкай і пажадалі выканання запаветных жаданняў, моцнага здароўя і пазітыву.
Матэрыял пададзены аддзелам сувязей з грамадскасцю.
