12 студзеня для супрацоўнікаў Нацыянальнай бібліятэкі з каляднай праграмай выступіў заслужаны калектыў Рэспублікі Беларусь – фальклорны гурт “Купалінка” пад кіраўніцтвам народнай артысткі Беларусі Алены Цяльковай.
Традыцыйна ў святочны час людзі спяваюць калядкі. У выкананні музыкаў гучалі чароўныя беларускія песні пра Раство – сапраўдныя ўзоры фальклорнай музыкі: калядныя песнапенні, апрацоўкі народных і аўтарскіх песень.
Атмасферныя нумары фальклорнага гурта “Купалінка” нікога не пакінулі абыякавымі: падарылі добры настрой, зарад энергіі і, канечне, нагадалі пра народныя традыцыі беларусаў.
Віншуем супрацоўнікаў і карыстальнікаў бібліятэкі са святамі! Жадаем усім здароўя, творчага натхнення і душэўнай гармоніі!
Матэрыял падрыхтаваны аддзелам сувязей з грамадскасцю.