ГалоўнаяМерапрыемствыРазцовая гравюра: Лембіт Лыхмус і венская школа
Запрашаем на музейныя заняткі “Васковыя таблічкі”
Гучныя чытанні і творчыя заданні па кнізе “Чароўныя ніткі пані Яніны”

Разцовая гравюра: Лембіт Лыхмус і венская школа

Разцовая гравюра: Лембіт Лыхмус і венская школа
Іншыя мерапрыемствы
18 студзеня – 10 красавіка
Дата правядзення
10.00–18.00
Час правядзення
музей кнігі (пам. 347)
Месца правядзення

18 студзеня ў музеі кнігі адбылося адкрыццё выставы “Разцовая гравюра: Лембіт Лыхмус і венская школа”.

У экспазіцыі прадстаўлены тонкія і дасканалыя графічныя працы сучасных мастакоў, выкананыя ў тэхніцы класічнай разцовай гравюры. Гэта складаная і рэдкая сёння тэхніка выкарыстоўвалася графікамі з XV ст., а ў канцы XVI – XVIII ст. мела вялікае пашырэнне ў Беларусі. Яркім прадстаўніком, які працаваў у дадзенай тэхніцы, з’яўляецца Альбрэхт Дзюрэр.

У Беларусі разцовай гравюрай займаліся Тамаш Макоўскі, Аляксандр і Лявонцій Тарасевічы, Максім Вашчанка і інш. Сёння ў гэтай вельмі складанай тэхніцы беларускія майстры амаль не працуюць.

Асновай для экспазіцыі сталі сучасныя мастацкія творы з прыватнай калекцыі бібліяфіла Алега Судлянкова, а таксама работы замежных мастакоў, адмыслова перасланыя ў Беларусь для гэтай выставы. Большасць з іх – экслібрысы, якія вызначаюцца глыбокай дэталізацыяй і вельмі тонкім узроўнем выканання.

Экспазіцыя будзе працаваць у музеі кнігі (пам. 347) да 10 красавіка 2022 г.
Дата яе завяршэння можа быць зменена.

Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 293 27 81, 293 27 79.

Глядзіце рэпартаж тэлеканала "Беларусь 24".

Матэрыял пададзены навукова-даследчым аддзелам кнігазнаўства.

Мерапрыемствы

Прастора “Паэтыкі фотаграфікі” Віталя Бутырына

24.05.2022

31 мая а 17-й гадзіне ў галерэі “Лабірынт” адбудзецца адкрыццё выстаўкі “Паэтыка фотаграфікі”, прысвечанай 75-гадоваму юбілею з дня нараджэння ганаровага члена найстарэйшага беларускага фотаклуба “Мінск”, аднаго з самых яркіх прадстаўнікоў літоўскай школы фатаграфіі Віталя Бутырына.

Да 125-годдзя з дня нараджэння вядомага беларускага бібліёграфа Юліі Іосіфаўны Бібіла

23.05.2022

26 мая а 15-й гадзіне адбудзецца мерапрыемства, прымеркаванае да 100-годдзя Нацыянальнай бібліятэкі Беларусі і юбілею з дня нараджэння аднаго з найбольш яркіх яе прадстаўнікоў Ю.І. Бібіла (1897–1974).

Фотавыстава “Смак жыцця”

23.05.2022

2 чэрвеня ў 17.00 у галерэі “Панарама” (22-гі паверх) адкрыецца фотавыстава “Cмак жыцця”, прымеркаваная да 25-годдзя з дня заснавання РНПЦ дзіцячай анкалогіі, гематалогіі і імуналогіі.

Вольны птах беларускіх нябёсаў

19.05.2022

З 19 мая па 29 чэрвеня ў зале беларускай літаратуры (пам. 205) праходзіць выстаўка “Вольны птах беларускіх нябёсаў”, прысвечаная 120-годдзю з дня нараджэння беларускага паэта, крытыка і перакладчыка Язэпа Пушчы (1902–1964).

Бібліятэка запрашае ў музей кнігі на летнія чытанні

23.05.2022

Лета – час адпачынку, незабыўных уражанняў і здзяйснення мар. Вы ўмееце рашаць шахматныя задачы? А пячы блінны торт? Можа, вы знаёмы асабіста з мышкай Пік-Пік і катом Фіндусам? Калі не – далучайцеся да летніх чытанняў у музеі кнігі.

Майстру кніжнай графікі прысвячаецца

16.05.2022

З 16 мая ў бібліятэцы працуе выстава, прысвечаная 125-годдзю з дня нараджэння беларускага мастака, патрыярха беларускай каляровай лінагравюры, аднаго з заснавальнікаў нацыянальнай кніжнай графікі, вядомага майстра экслібрыса Анатоля Мікалаевіча Тычыны (1897–1986).



Бібліятэкарам