Дата правядзення
Час правядзення
Месца правядзення
23 лютага ў Нацыянальнай бібліятэцы прайшло ўрачыстае мерапрыемства “Дзень сапраўдных мужчын!”, прымеркаванае да святкавання Дня Абаронцаў Айчыны і Узброеных Сіл Рэспублікі Беларусь.
23 лютага мы ўшаноўваем тых, хто ўмацоўвае шматвяковыя гістарычныя традыцыі, захоўвае мір і дорыць нам упэўненасць у заўтрашнім дні, ганарымся нашымі слаўнымі абаронцамі – смелымі, адважнымі, надзейнымі!
Цёплыя віншаванні ад імя жаночай паловы калектыву выказала генеральны дырэктар Нацыянальнай бібліятэкі Беларусі Аксана Кніжнікава. Яна пажадала мужчынам прафесійных дасягненняў, увасаблення самых грандыёзных ідэй і здзяйсненняў, поспехаў і дабрабыту.
Цудоўным падарункам для ўсяго працоўнага калектыву бібліятэкі сталі яркія і запамінальныя нумары шоу-балета MalDiva і музычнай вакальна-эстраднай групы ByCity.
Дарагія мужчыны! Прыміце шчырыя віншаванні з Днём абаронцаў Айчыны – днём дужых, мужных, цвёрдых духам людзей! Жадаем вам поспехаў і дабрабыту, моцнага здароўя, сямейнага шчасця і здзяйснення ўсіх жаданняў і надзей!
Матэрыял пададзены аддзелам сувязей з грамадскасцю.
