Дата правядзення
Час правядзення
Месца правядзення
12 красавіка ў 17.00 у атрыуме 2-га паверха бібліятэкі адбудзецца прэзентацыя зборніка матэрыялаў V Міжнароднай навукова-тэхнічнай канферэнцыі “Безракетная индустриализация ближнего космоса: проблемы, идеи, проекты” (NRNSI 2022), прымеркаваная да Сусветнага дня авіяцыі і касманаўтыкі.
Канферэнцыя NRNSI (“Безракетная індустрыялізацыя блізкага космасу: праблемы, ідэі, праекты”) упершыню была праведзена ў 1988 годзе і з тых часоў з’яўляецца ўнікальнай пляцоўкай, дзе дэманструюцца вынікі навуковых даследаванняў і распрацовак па мірным асваенні блізкага космасу неракетнымі сродкамі. За доўгую гісторыю канферэнцыі яе ўдзельнікамі сталі прадстаўнікі 18 краін: вядучыя вучоныя, распрацоўшчыкі, касманаўты, грамадскія і палітычныя дзеячы.
Навуковае выданне “Безракетная индустриализация ближнего космоса: проблемы, идеи, проекты” ўключае 27 артыкулаў інжынераў, канструктараў, біёлагаў, эканамістаў і грамадскіх дзеячаў. У дакладах канферэнцыі прадстаўлены пераканаўчыя аргументы і разліковыя даныя.
Арганізатары мерапрыемства – ТАА “Астраінжынерныя тэхналогіі” і Нацыянальная бібліятэка Беларусі.
Матэрыял пададзены аддзелам сувязей з грамадскасцю.
