Дата правядзення
Час правядзення
Месца правядзення
16 верасня ў музеі кнігі адбудуцца музейныя заняткі для дзяцей “Буквіца”.
Старажытная рукапісная кніга – сапраўдны шэдэўр кніжнай спадчыны. Над яе мастацкім афармленнем працавалі таленавітыя майстры. Тэкст аздабляўся застаўкамі, буквіцамі і канцоўкамі.
Буквіца – вялікая літара, якая выкарыстоўвалася для таго, каб прыцягнуць увагу чытача да пачатку тэкста.
Размалёўваліся вялікія літары рознакаляровымі фарбамі з прыродных матэрыялаў, часам з дабаўленнем золата. Для афармлення буквіцы ў розныя перыяды ўжываліся разнастайныя матывы: геаметрычныя, раслінныя, з жывёламі і птушкамі, а таксама побытавыя.
У кожнага наведвальніка творчай сустрэчы будзе магчымасць:
- убачыць рукапісныя кнігі XVI–XIX стст.;
- пазнаёміцца з разнастайнымі матывамі ўпрыгожвання вялікай літары;
- стварыць уласны ўзор афармлення першай літары свайго імя.
А таксама атрымаць вялікае задавальненне ад пазнання новага і цікавага.
Мерапрыемства разлічана на дзяцей 8–12 гадоў.
Кошт: 4.60 руб. (дарослыя суправаджаюць дзяцей бясплатна).
Колькасць удзельнікаў абмежаваная.
Папярэдні запіс па тэлефонах: (8 017) 293 27 82, (8 029) 18 18 451.
Электронная пошта: tatsianazablotskaya@gmail.com
Кантактная асоба: Заблоцкая Таццяна.
Матэрыял пададзены навукова-даследчым аддзелам кнігазнаўства.