Выбары ў люстэрку права

З 5 лютага па 1 сакавіка ў зале прававой інфармацыі (пам. 207b) адкрыта выстава “Выбары ў люстэрку права”, прымеркаваная да выбараў дэпутатаў Палаты прадстаўнікоў Нацыянальнага сходу восьмага склікання і мясцовых Саветаў дэпутатаў дваццаць дзявятага склікання Рэспублікі Беларусь.

25 лютага 2024 года ў Рэспубліцы Беларусь пройдзе Адзіны дзень галасавання, калі будуць абірацца дэпутаты Палаты прадстаўнікоў Нацыянальнага сходу восьмага склікання і мясцовых Саветаў дэпутатаў дваццаць дзявятага склікання.

4 красавіка 2024 года пройдуць выбары членаў Савета Рэспублікі, потым – дэлегатаў Усебеларускага народнага сходу ад суб’ектаў грамадзянскай супольнасці і мясцовых Саветаў дэпутатаў.

У любой сучаснай дэмакратычнай дзяржаве выбары – найважнейшая форма суверэннай дэмакратыі, рэгуляваная нарматыўнымі прававымі актамі, сукупнасць якіх складае выбарчае заканадаўства. Гэта акты нацыянальнай прававой сістэмы, а таксама міжнароднага права. Дэмакратычныя выбары мяркуюць гарантаваную дзяржавай асабістую свабоду грамадзян, права на бесперашкоднае выказванне сваіх перакананняў, свабоду аб’яднання, маніфестацый, перамяшчэння, права на атрыманне дакладнай інфармацыі і інш. Удзел кожнага грамадзяніна ў кіраванні сваёй краінай – адзін з ключавых фактараў эфектыўнага ажыццяўлення іншых правоў і асноўных свабод грамадзян, уключаючы палітычныя, сацыяльна-эканамічныя і культурныя.

У зале экспануецца каля 70 дакументаў на рускай і беларускай мовах. Сярод іх – нарматыўна-прававыя акты, каментарыі, манаграфіі, зборнікі артыкулаў і тэзісаў, матэрыялы дакладаў і навукова-практычных канферэнцый, аналітычных аглядаў, семінараў і круглых сталоў.

Выстава будзе карысная ўсім удзельнікам выбарчага працэсу, арганізатарам выбараў, палітолагам, навуковым работнікам, студэнтам, выкладчыкам і ўсім, хто цікавіцца пытаннямі айчыннага выбарчага права і правядзеннем свабодных і дэмакратычных выбараў.

Экспазіцыя ўключае наступныя тэматычныя раздзелы:

• Канстытуцыя як аснова выбарчага права Рэспублікі Беларусь
• Выбары: прававыя асновы і выбарчыя тэхналогіі
• Выбарчы працэс Беларусі: этапы развіцця і сучаснасць
• Парушэнні норм выбарчага права: адказнасць і прававая абарона

Тэлефон для даведак: (8 017) 293 27 28.