Дата правядзення
Час правядзення
Месца правядзення
Тэматычная выстава “Розныя дзеці – роўныя магчымасці” праходзіць з 4 сакавіка па 29 красавіка ў зале перыядычных выданняў (пам. 106).
Сёння ў Рэспубліцы Беларусь асаблівая ўвага надаецца якасці спецыяльнай адукацыі дзяцей з асаблівасцямі псіхафізічнага развіцця (АПФР). У аснове дзяржаўнай палітыкі ляжыць ідэя інтэграцыі людзей з фізічнай і ментальнай інваліднасцю ў паўнавартаснае грамадскае жыццё, а таксама распрацоўка і прыняцце канкрэтных рашэнняў для гэтага. Пашырэнне сеткі ўстаноў спецыяльнай адукацыі, яе якаснае абнаўленне ствараюць новыя магчымасці для людзей з асаблівасцямі. Цэнтры карэкцыйна-развіваючага навучання і рэабілітацыі актыўна рэалізуюць псіхолага-педагагічнае суправаджэнне дзяцей з АПФР, дзякуючы якому кожнае дзіця можа максімальна самарэалізавацца ў розных сферах жыццядзейнасці з улікам індывідуальных асаблівасцей.
Гэтым і іншым пытанням арганізацыі адукацыйнага працэсу дзяцей з АПФР прысвечаны публікацыі з выданняў “Минская школа сегодня”, “Образование Минщины”, “Спецыяльная адукацыя”, “Народная газета”, “Адукацыя і выхаванне” і інш. Пра тое, як можна інтэграваць намаганні сям’і і ўстановы адукацыі, раскажа артыкул з часопіса “Веснік адукацыі”. Прававыя грані дыялогу паміж інклюзіўным і грамадзянскай супольнасцямі асвятліць артыкул з “Право.by”. Пытанне сумеснага развіцця інклюзіўнай адукацыі ў Беларусі і Расійскай Федэрацыі адлюстравана ў артыкуле часопіса “Пралеска”.
Чалавек з аўтызмам можа навучыцца лепш узаемадзейнічаць са знешнім светам толькі ў тым выпадку, калі будзе знаходзіцца ў асяроддзі звычайных людзей. На старонках газеты “Вместе” можна даведацца, як адбываецца сацыялізацыя дзяцей праз творчасць (на прыкладзе адзінага ў Беларусі сямейнага інклюзіў-тэатра для людзей з аўтызмам). Цікава будзе даведацца і аб інклюзіўным турызме: што прапануюць у Беларусі для асаблівых гасцей. Важная тэма фарміравання талерантнага стаўлення да людзей з АПФР закранута ў артыкулах з выданняў “Здоровый образ жизни”, “Планета – семья”, “Народная асвета”.
Усяго на выставе прадстаўлена каля 30 перыядычных выданняў.
Час работы выставы адпавядае рэжыму працы чытальнай залы міжбібліятэчнага і індывідуальнага абанемента.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 06.
Матэрыял пададзены аддзелам абслугоўвання спецыялізаванымі фондамі.