У праграме “Вялікі горад” выйшаў поўнамаштабны сюжэт пра Нацыянальную бібліятэку Беларусі. Віртуальныя рэсурсы, паслугі і выставы – дапытлівы глядач можа знайсці для сябе шмат карыснай інфармацыі.
Сярод нашых чытачоў нямала аўтараў навуковых прац. Але праводзіць даследаванні з дому – не самая простая задача. Знайсці правераныя крыніцы ў рэжыме анлайн можна толькі ў спецыялізаваных базах даных.
У студыі першы намеснік генеральнага дырэктара Нацыянальнай бібліятэкі Беларусі Алена Далгаполава распавяла пра пункты доступу да рэсурсаў сусветных вытворцаў, а таксама пра віртуальныя паслугі бібліятэкі.
З электроннымі рэсурсамі “алмаза ведаў” гледачоў пазнаёміла загадчыца аддзела даведачна-інфармацыйнага абслугоўвання Нацыянальнай бібліятэкі Беларусі Алена Тулупава.
Трапіць у бібліятэку афлайн пакуль немагчыма, але пазнаёміцца з выставамі ў галерэях можна на сайце бібліятэкі. Напрыклад, відэаролік пра экспазіцыю выставачнага праекта “Вялікая Перамога” дасць магчымасць убачыць яго фрагментарна.
Цікавы факт: у працэсе падрыхтоўкі праекта быў знойдзены цікавы артэфакт, пра які ў сюжэце распавяла загадчыца аддзела галерэйна-выставачнай дзейнасці Нацыянальнай бібліятэкі Беларусі Ірына Васільковіч.
Мы памятаем страшныя падзеі вайны і Вялікую Перамогу. Дзякуючы нашым бабулям і дзядулям сённяшняя Беларусь – квітнеючая краіна. Генеральны дырэктар Нацыянальнай бібліятэкі Беларусі Раман Матульскі распавёў аб выставе “Беларусь: прыгожыя імгненні”.
Падрабязнасці глядзіце ў сюжэце тэлеканала СТБ:
Матэрыял прадастаўлены аддзелам сувязей з грамадскасцю.
