17 красавіка для супрацоўнікаў Нацыянальнай бібліятэкі Беларусі адбыўся навучальны семінар па працы з інфармацыйна-прававой сістэмай ilex.
ilex – прававы анлайн-сэрвіс, які змяшчае поўныя тэксты ўсіх нарматыўных прававых актаў Рэспублікі Беларусь, якія паступаюць з Нацыянальнага цэнтра прававой інфармацыі, а таксама:
- актуальную аналітычную інфармацыю па самых розных напрамках (падаткаабкладанне, арганізацыя і вядзенне бухуліку і справаздачнасці, аплата працы і дапаможнікі, закупкі, будаўніцтва і г.д);
- карысную даведачную інфармацыю (календары, курсы замежных валют, падаткі і іншыя абавязковыя плацяжы, разліковыя індыкатары, адрасна-рэквізітная інфармацыя і г.д.);
- формы дакументаў, неабходных для ажыццяўлення прафесійнай дзейнасці бухгалтараў, работнікаў кадравых службаў, юрыстаў, спецыялістаў па закупках і ахове працы;
- слоўнікі, класіфікатары, калькулятары, чэк-лісты, тэсты і многае іншае.
У рамках мерапрыемства прадстаўнік кампаніі “ЮрСпектр” прадэманстравала на практычных прыкладах варыянты хуткага і эфектыўнага пошуку дакументаў, карысныя функцыі, прадстаўленыя ў сэрвісе, а таксама аналітычныя матэрыялы, падрыхтаваныя экспертамі кампаніі.
Нагадваем чытачам, што доступ да інфармацыйнай прававой сістэмы ilex адкрыты ў нашых чытальных залах.
Запрашаем у Нацыянальную бібліятэку Беларусі!
Матэрыял пададзены аддзелам карпаратыўнага ўзаемадзеяння.
