З 27 красавіка па 26 мая для карыстальнікаў Нацыянальнай бібліятэкі Беларусі адкрыты тэставы доступ да электроннага інфармацыйнага рэсурсу Wanfang Data.
Платформа Wanfang Data заснавана Інстытутам навукова-тэхнічнай інфармацыі Кітая (ISTIC) і Міністэрствам навукі і тэхналогій КНР.
На платформе прадстаўлены акадэмічныя часопісы, дысертацыі, матэрыялы навуковых канферэнцый, заканадаўства, патэнты, стандарты, база даных нацыянальных навуковых узнагарод і дасягненняў, кітайскі індэкс навуковага цытавання.
Тэматыка інфармацыйных рэсурсаў Wanfang Data:
- інфармацыя па гісторыі Кітая;
- выданні па грамадскіх і гуманітарных навуках, рэлігіі, планаванні сям’і;
- заканадаўства і юрысдыкцыя Кітая;
- фундаментальная навука (даследаванні ў галіне фізікі, хіміі, біятэхналогіі);
- прамысловыя інавацыі і тэхналагічныя распрацоўкі, магчымасці для бізнесу;
- традыцыйная кітайская медыцына (ТКМ);
- галіновая інфармацыя (фармацэўтыка, хімічная прамысловасць, аўтамабілебудаванне, металургія);
- фінансы (банкаўская справа, страхаванне, тэлекамунікацыі, вытворчасць і інш.).
Даступна англамоўная версія інтэрфейса платформы Wanfang Data. Пры адкрыцці інтэрфейса на кітайскай мове неабходна змяніць мову, клікнуўшы на кнопку выбару мовы ў верхнім правым вуглу.
Матэрыял пададзены аддзелам карпаратыўнага ўзаемадзеяння.