У зале выяўленчых і відэадакументаў (пам. 307) ладзіцца выстаўка “Паэт фарбы і ліні” да 170-годдзя з дня нараджэння рускага мастака, акадэміка Пецярбургскай акадэміі мастацтваў Міхаіла Аляксандравіча Урубеля.
Талент Міхаіла Урубеля ўнікальны. Ён першы сярод рускіх мастакоў займеў непаўторны індывідуальны стыль. Майстар універсальных магчымасцей, Міхаіл Аляксандравіч уславіў сваё імя практычна ва ўсіх відах і жанрах выяўленчага мастацтва: жывапісе, графіцы, дэкаратыўнай скульптуры, тэатральным мастацтве.
Мастак стаў першай і самотнай “беззаконнай каметай” рускага сімвалізму, якая ярка ўспыхнула на небасхіле рускага мастацтва. “Абуджаць ад дробязей будзённага велічнымі вобразамі” – жывапіснае крэда генія. Жывая любоў да натуры, адкрытая ім у вялікіх майстроў Рэнесансу, – камертон сапраўднасці мастацтва майстра.
Па словах А. Блока, мастак – гэта той, каму наканавана бачыць не толькі першы план свету, але і тое, што ўтоена за ім, хто слухае сусветны аркестр і паўтарае яго без фальшу.
От жизни лживой и известной
Твоя мечта тебя влечет
В простор лазурности небесной
Иль в глубину сапфирных вод…
Нам недоступны, нам незримы,
Меж сонмов вопиющих сил,
К тебе нисходят серафимы,
В сияньи многоцветных крыл.
И там, в торжественной пустыне,
Лишь ты постигнул до конца –
Простертых крыльев блеск павлиний
И скорбь эдемского лица! (В. Брюсов)
На выстаўцы прадстаўлена больш за 140 дакументаў. Гэта альбомы, рэпрадукцыі, паштоўкі, прысвечаныя творчасці вялікага мастака.
Экспазіцыя, разлічаная на ўсе катэгорыі чытачоў, якія цікавяцца гісторыяй рускага жывапісу і графікі, адкрыта з 17 сакавіка па 26 красавіка 2011 г.
Кантактны тэлефон: 293-27-58.