З 7 па 31 ліпеня ў зале беларускай літаратуры (пам. 205) праходзіць юбілейная выстаўка “Песня шчырага сэрца”, прысвечаная 90-годдзю з дня нараджэння Алеся Астапенкі (1920–1970), беларускага паэта, перакладчыка.
У сваіх вершах Алесь (Аляксандр Кірылавіч) Астапенка ўслаўляў ваенны подзвіг савецкага чалавека, яго стваральную мірную працу.
На выстаўцы прадстаўлена больш за 70 дакументаў, якія сістэматызаваны ў 4 раздзелах.
Першы раздзел “Паэзія стваральнай працы і міру” ўключае кнігі аўтара “Выпрабаванне” (1947, 1980), “Дзень маёй Радзімы” (1952), “Сэрца спявае” (1960), а таксама публікацыі яго твораў у часопісах і калектыўных зборніках.
Значнае месца ў творчасці Алеся Астапенкі займае перакладчыцкая дзейнасць. У раздзеле экспазіцыі “Майстэрства перакладчыка” шырока прадстаўлены пераклады на беларускую мову грузінскіх казак, твораў рускіх, украінскіх, літоўскіх, латышскіх, нямецкіх, польскіх паэтаў.
У раздзеле “А песня засталася...” прадстаўлены творы Алеся Астапенкі, пакладзеныя на музыку беларускімі кампазітарамі Г. Вагнерам, Я. Кузняцовым, Д. Лукасам, С. Палонскім, Р. Пукстам, Н. Сакалоўскім.
Завяршае экспазіцыю раздзел “Дарога жыцця і творчасці”, у якім можна азнаёміцца з публікацыямі пра жыццё і творчасць паэта, змешчанымі ў энцыклапедычных выданнях, часопісах і калектыўных зборніках.
Экспазіцыя ілюстравана фотаздымкамі пісьменніка.
Кантактны тэлефон: 293-27-16.
 |
 |
 |
