З 6 жніўня па 5 кастрычніка ў зале нотных і аўдыявізуальных дакументаў (пам. 305) праходзіць выстаўка “Сугучнасць часоў”, прысвечаная 150-годдзю з дня нараджэння рускага кампазітара, дырыжора і педагога А.К. Глазунова (1865–1936).
Прызнаны мэтр рускай музыкі, грамадскі дзеяч, прадаўжальнік традыцый “Магутнай кучкі” і Чайкоўскага Аляксандр Канстанцінавіч Глазуноў вядомы шматлікім аматарам музыкі.
Пераходны момант на мяжы XIX–XX стагоддзяў у Расіі абумовіў стылявыя змены ў творчасці кампазітара. У яго творах прасочваецца “дыялог” мінулага з сучаснасцю, злучэнне лірыка-эпічнай і лірыка-драматычнай галін рускай музыкі.
З’яўляючыся кампазітарам з абсалютным слыхам, ён мог тэхнічна выкарыстаць душу ўсіх інструментаў, таму яго творчасць вельмі разнастайная і шырокая – яна ахоплівае амаль усю музычную палітру: сімфанічную музыку, творы для сольных інструментаў і для сольных інструментаў з аркестрам, камерную музыку, духоўную і свецкую вакальную, сцэнічную і балетную. Найважнейшае значэнне ў яго творчасці маюць яго сімфанічныя творы.
На выстаўцы прадстаўлены нотныя выданні твораў аўтара. Сярод іх – сюіты “З сярэдніх вякоў”, “Маленькая сюіта”, сімфоніі, сімфанічныя паэмы, “Канцэрт-балада для віяланчэлі з аркестрам”, “Канцэрт для скрыпкі з аркестрам”, п’есы “Песня менестрэля”, прэлюдыі, фугі і інш.
Дапаўняюць падборку аўдыядакументы вядомых твораў А. Глазунова – балеты "Раймонда", "Паненка-служанка, або Выпрабаванне Дамиса", " Поры года", сюіта "Шапеніяна", "Балетная сюіта", сімфанічная паэма "Сценька Разін", сімфоніі № 1, 2, 3, 4, 5, 6, 7, 8, 9, канцэрты, творы для струнных інструментаў, саксафона і многае інш.
Творчая спадчына кампазітара прадстаўлена на выстаўцы таксама яго работай “Избранное: Письма, статьи, воспоминания” (1958).
Матэрыялы заключнага раздзела экспазіцыі раскрываюць жыццёвы і творчы шлях унікальнай асобы А. Глазунова.
Кантактны тэлефон: (8 017) 293 27 52.
 |
 |
 |
 |
 |
 |
 |
 |
 |
 |
 |
 |
