Міжнародны навуковы і выдавецкі праект па факсімільным узнаўленні кніжнай спадчыны Францыска Скарыны, рэалізаваны Нацыянальнай бібліятэкай Беларусі і Банкам БелВЭБ, доўжыўся пяць гадоў і быў паспяхова завершаны падчас святкавання 500-годдзя беларускага кнігадрукавання – у 2017 годзе.
Сёння шматтомнае выданне працягвае знаёміць жыхароў розных краін з багатай гісторыяй і самабытнай культурай Беларусі.
18 ліпеня ў Санкт-Пецярбургу ў рамках VI Форуму рэгіёнаў Беларусі і Расіі старшыня Савета Рэспублікі Нацыянальнага сходу Беларусі Міхаіл Мясніковіч на сустрэчы з кіраўнікамі органаў дзяржаўнай улады суб'ектаў Расійскай Федэрацыі і рэгіёнаў Беларусі перадаў у дар старшыні Савета Федэрацыі Валянціне Мацвіенка факсімільнае выданне “Кніжная спадчына Францыска Скарыны”.
Раней за значны асабісты ўклад ва ўмацаванне дружалюбных адносін і развіццё супрацоўніцтва паміж Беларуссю і Расіяй Валянціна Мацвіенка была ўзнагароджана ордэнам Францыска Скарыны.
Матэрыял прадстаўлены аддзелам сувязей з грамадскасцю.
Глядзіце таксама вялікі рэпартаж СТВ аб выніках VI Форуму рэгіёнаў Беларусі і Расіі.