У ліпені 2019 года Рэгіянальны зводны электронны каталог бібліятэк Віцебскай вобласці далучыўся да сістэмы Зводнага электроннага каталога бібліятэк Беларусі. Яго запуск знаменаваў завяршэнне маштабнай работы па стварэнні рэгіянальнай сеткі Зводнага электроннага каталога бібліятэк Беларусі.
Гэта дазволіла інтэграваць інфармацыйны патэнцыял бібліятэк краіны, зрабіўшы створаныя імі электронныя рэсурсы адкрытымі і даступнымі ў рэжыме 24/7/365 для жыхароў Беларусі і замежных краін.
Рэгіянальны зводны электронны каталог бібліятэк Віцебскай вобласці, створаны на базе лакальных электронных каталогаў ДУ “Віцебская абласная бібліятэка імя У.І. Леніна” і ДУ “Цэнтралізаваная бібліятэчная сістэма г. Віцебска”, уяўляе больш за 390 тыс. бібліяграфічных запісаў на кнігі, брашуры, выяўленчыя дакументы, аўдыявізуальныя дакументы, аўтарэфераты дысертацый і электронныя дакументы.
На сённяшні момант паспяхова функцыянуе шэсць рэгіянальных зводных электронных каталогаў (для кожнай вобласці), якія адлюстроўваюць бібліяграфічную інфармацыю і звесткі аб наяўнасці дакументаў (уключаючы нацыянальныя) у фондах бібліятэк рэгіёнаў.
Запрашаем скарыстацца дадзенымі рэсурсамі для пошуку цікавых для вас матэрыялаў.
Гэты банер дапаможа ў адзін клік перайсці на галоўную пошукавую старонку РСЭК бібліятэк Віцебскай вобласці. Для хуткай ўстаноўкі банера на ваш сайт або блог можна скарыстацца html-кодам, які размешчаны на старонцы Зводнага электроннага каталога бібліятэк Беларусі.
Матэрыял прадстаўлены аддзелам бібліятэчна-інфармацыйных тэхналогій.
