Навукова-метадычнай часопіс "Адукацыя і выхаванне" надрукаваў творчыя работы пераможцаў конкурсу да 85-годдзя Рыгора Барадуліна. Вы знойдзеце іх у жнівеньскім нумары, тэма якога "Гавары са мной па-беларуску!".
Конкурс да 85-годдзя з дня нараджэння народнага паэта Беларусі Рыгора Барадуліна арганізавала і правяла Нацыянальная бібліятэка Беларусі пры інфармацыйнай падтрымцы часопіса “Выхаванне і дадатковая адукацыя”.
Вынікі конкурсу надрукаваны на старонкахчасопіса, дзе адзначаецца:“Конкурс даў магчымасць юным чытачам яшчэ раз далучыцца да багатай творчай спадчыны Рыгора Барадуліна – глыбока нацыянальнай, патрыятычнай, пранікнёнай і вельмі шчырай. І кожны змог знайсці ў ёй тыя радкі, якія выклікалі найбольшы водгалас у сэрцы. Журы было вельмі складана абраць пераможцаў, бо кожная работа была ўнікальнай, у кожнай змяшчалася часцінка дзіцячай душы, асветленай словамі творцы. Праведзены конкурс паказаў, што сучасным дзецям цікавая нацыянальная паэзія, яны адчуваюць глыбіню мастацкага вобразу, створанага на роднай мове, імкнуцца выказаць сябе, свае пачуцці ва ўласных тэкстах па-беларуску.
Рэдакцыя часопіса з задавальненнем знаёмілася з работамі, дасланымі на конкурс. Усе іх аўтары будуць адзначаны памятнымі дыпломамі. Дзясятка лепшых – спецыяльнымі прызамі. А тройка пераможцаў – галоўнымі прызамі і ганаровымі дыпломамі.
Віншуем усіх, хто меў дачыненне да гэтага творчага праекту і атрымаў сапраўднае задавальненне ад слова майстра і свежага прачытання яго нашымі дзецьмі – таленавітымі, удумлівымі, нязмушанымі”.
Творчыя работы пераможцаў размешчаны на каляровай укладцы часопіса “Выхаванне і дадатковая адукацыя” (2020, № 8).
З эсэ і плакатамі ўсіх удзельнікаў конкурсу можна азнаёміцца на партале бібліятэкі ў падборках:
- Радзіма і яе лёс: асэнсаванне творчасці Рыгора Барадуліна
- “Трэба дома бывацьчасцей”: асэнсаваннетворчасці Рыгора Барадуліна
- “Быць чалавекам на зямлі”: асэнсаваннетворчасці Рыгора Барадуліна
Матэрыял пададзены навукова-даследчым аддзелам кнігазнаўства.
