1 красавіка ў бібліятэцы ладзіцца ўрачыстае адкрыццё Другога гарадскога кніжнага фестывалю "Горад і кнігі. Навука".
У самы "жартоўны" дзень маштабная падзея збярэ ў галоўнай кніжніцы краіны кнігалюбаў усіх узростаў. Сёлета фестываль – тэматычны. Ён будзе прысвечаны навуковай і навукова-папулярнай літаратуры, пазнаёміць наведвальнікаў з літаратурнымі і навуковымі праектамі.
На двух паверхах бібліятэкі развернуцца пяць вялікіх пляцовак, кожная з якіх чакае свайго наведвальніка. Дзіцячая пляцоўка парадуе разнастайнасцю музычных і інтэрактыўных спектакляў, найцікавейшых эксперыментаў, інтэрактыўных заняткаў. На маладзёжнай адбудуцца сустрэчы з цікавымі вучонымі, чарадзейныя ўрокі, варкшоп, а таксама танцавальны экскурс у гісторыю.
Бацькам і спецыялістам у галіне чытання будзе цікава наведаць пляцоўку "Экспертных сустрэч", дзе можна паўдзельнічаць у абмеркаванні сучаснай дзіцячай навукова-папулярнай літаратуры.
Знаёмства са стэндамі навуковых арганізацый і літаратурных аб'яднанняў адбудзецца на выставачнай пляцоўцы. Зона майстар-класаў і гучных чытанняў размесціцца на пляцоўцы "Усмешлівыя цуды – 3", дзе пад кіраўніцтвам дасведчаных майстроў можна будзе стварыць непаўторныя сувеніры сваімі рукамі.
Дапамогу ў пошуку патрэбнай пляцоўкі, цікавага мерапрыемства акажа імправізаваная даведачная служба "Адно акно".
Фестываль будзе радаваць наведвальнікаў:
1 красавіка – з 14.00 да 21.00;
2 красавіка – з 10.00 да 18.00.
Урачыстае адкрыццё фестывалю пачнецца а 14-й гадзіне ў галерэі "Ракурс" (2-і паверх). Уваход на мерапрыемства правы бакавы.
Тэлефон для даведак: (8 017) 293 27 56.
Е-mail: pr@nlb.by
